Inunnut aalajangersimasunut aamma ataatsimoortunut Usama bin Laden-imut, Al Qaida-mi suleqatigiiffinnut aamma Taliban-inut attuumassuteqartunut killilersuinermik isumannaallisaatinik atuutilersitsinissamut tunngatillugu Inatsisartut inatsisaat nr. 3, 19. maj 2010-imeersoq
Atuuffia il.il.
§ 1. Inatsisartut inatsisaat manna aningaasatigut peqquserluutinik malunnarunnaarsaneq aamma pinerliiniarnernik aningaasalersuineq pitsaaliorniarlugit iliuusissat pillugit inatsimmut qanoq ilisukkulluunniit atuuttumut ilaasunut suliffeqarfinnut inunnullu atorneqassaaq.
§ 2. Isumannaallisaanermik Siunnersuisoqatigiit isumaqatigiissutaat nr. 1267 15. oktober 1999, nr. 1333 19. december 2000 taamatullu nr. 1390 16. Januar 2002-meersoq naapertorlugit Naalagaaffiit Peqatigiit Isumannaallisaanermik Siunnersuisoqatigiivisa akuersissutigisimasaanni qanoq ilisukkulluunniit pinerliiniat nalunaarsorneqarfiini atuuttuni allattorneqarsimasunit inunnit ataatsimoortunilluunniit pigineqartunik aningaasanik aamma aningaasatigut ingerlatanik imaluunniit aningaasanik isumalluutinik, Hvidvasksekretariati akuersiteqqaarnagu, atuisinnaaneq inerteqqutaavoq.
Imm. 2. Paasineqarpat nuussineq imaluunniit saaffiginnissut, inunnut ataatsimoortunulluunniit, imm. 1-imi taaneqartuni nalunaarsuiffinni allanneqarsimasunut attuumassuteqartoq imaluunniit attuumassuteqarsimasoq ingerlaannartumik Hvidvasksekretariatimut nalunaaruteqartoqassaaq.
Imm. 3. Hvidvasksekretariatet sapinngisamik piaarnerpaamik kingusinnerpaamillu nalunaarutip tiguneqarneraniit aningaaseriviup ammaffiata tulliuttup qaangiutinnginnerani, imm. 1 malillugu akuersissummik tunniussisoqassanersoq imaluunniit arsaarinnittoqassanersoq aalajangiissaaq.§ 3. Inerteqqutaavoq nioqquteqarneq, allamut tunniussineq, angallassineq imaluunniit suugaluartunik makkuninnga tunniussineq:
1) sakkut, sorsunnermi atortut taamatullu suugaluartulluunniit atortut taakkununnga assingusut,
2) imassat (pequtissat) suugaluartulluunniit,
3) sakkutuut qamutai aamma sakkutuut atortui,
4) tamakkiisuunngitsumik sakkutuut atortui imaluunniit
5) 1-4-mut taaneqartunut atortunut kingoraartissat, § 2, imm. 1-imi, allattorsimaffinni taaneqartuni inuit imaluunniit ataatsimoortut pissaat.
Imm. 2. § 2, imm. 1-mi taaneqartuni allattorsimaffinniittunut inunnut ataatsimoortunulluunniit imm. 1-mi taaneqartunik atortunik pilersuinermut, sanaartornermut, aserfallatsaaliinermut atuinermulluunniit atatillugu teknikkikkut ikiorsiineq sungiusaanerluunniit inerteqqutaavoq.
Imm. 3. Imm. 1 aamma 2-mi isumannaallisaatit danskisut innuttaassusilinnut Naalagaaffiup avataaniittunut aamma atuupput.
Pineqaatissiisarneq pillugu aalajangersagaq§ 4. § 2, imm. 1 aamma 2-mik, § 3, imm. 1 aamma 2-mik, unioqqutitsineq Kalaallit Nunaanni Pinerluttulerineq pillugu inatsimmi § 26 naapertorlugu pillarneqassaaq.
Atuutilersinnera§ 5. Inatsit ulloq 1. juni 2010-mi atuutilissaaq.
Namminersorlutik Oqartussat, ulloq 19. maj 2010
Kuupik Kleist/
Ove Karl Berthelsen